Во недела, 25 јуни 2023 година, ќе се одржи големото шоу наречено „Extreme Power City No.4“, но овој пат на нова локација, односно на самиот влез во Скопје, на паркингот пред „Кромберт и Шуберт“.
На шоуто ќе учествуваат околу 300 учесници кои ќе се натпреваруваат во различни категории, како што се Стајлинг (модифициран и преуреден автомобил“, како и dB drag натпреварување (мерење на гласна музика во автомобил). Една од најинтересните содржини на настанот ќе биде и „drift show“ и „drift taxi“.
На настанот се очекуваат неколку илјади посетители, а влезот за нив ќе биде отворен од 11 часот.
На натпреварувањето ќе учествуваат и осум српски возачи со седум автомобили, кои ќе ги покажат своите вештини со помош на контролирано „дрифтање“ на големиот паркинг.
„Drift“ е автомобилска дисциплина и се издвојува од другите затоа што комбинира брзина на автомобил, моќност на мотор и прецизност во возење.