Шафранот е еден од најдобрите природни борци против стресот.
Photo by marlik saffron on Unsplash
Стресот е природна реакција на телото на одредени барања, ситуации или настани кои се доживуваат како закана или предизвик за нас. Во основа, стресот ја претставува физичката и емоционалната реакција на телото на предизвикувачки или опасни ситуации, што може да доведе до нерамнотежа во телото.
Кога сме под стрес, нашето тело ослободува хормони на стрес, како што се кортизол и адреналин, кои доведуваат до зголемен крвен притисок, зголемен пулс, зголемено дишење и други физички симптоми.
За среќа, постојат многу природни состојки кои можат да ни помогнат да го победиме стресот. Шафранот е една од нив.
Иако ова растение е препознатливо во готвењето по својот специфичен вкус и мирис, шафранот има и лековити својства кои можат да влијаат на нашето тело и ум. Кога се користи медицински, шафранот влијае на нашето расположение, го подобрува чувството на задоволство, ја зголемува енергијата и прави да се чувствуваме посреќни. Исто така, може да помогне во ублажување на симптомите на анксиозност и депресија, намалување на стресот, зголемување на концентрацијата и подобрување на квалитетот на сонот.
Photo by Benyamin Bohlouli on Unsplash
Шафранот е познат и по своите антиоксидантни својства, што значи дека помага во спречување на оксидативниот стрес во организмот, кој е причина за сериозни болести. Покрај тоа, тој е богат со витамини и минерали, вклучувајќи витамин Ц, магнезиум, железо, фосфор и калиум, кои можат да помогнат во одржувањето на здрав имунолошки систем и да го чуваат нашето целокупно здравје.
Накратко, тој помага да се подобри расположението, да се намали стресот и анксиозноста, да се зголеми енергијата и концентрацијата, како и да се подобри квалитетот на сонот. Шафранот придонесува за рамнотежа на нашата емоционална состојба.
Не е лесно да оваа билка да се најде во природата. За да се добие само еден килограм шафран потребни се дури 150.000 цветови.
