Скопската населба Буњаковец постои уште од почетоците на 20. век.
Буњаковец како маалска четврт се формирала во меѓувоениот период, некаде помеѓу 1924-1928 година и како и во другите скопски маала така и тука богатите граѓани граделе големи семејни куќи.
Со текот на времето додека Скопје растело и населбата почнала да се урбанизира.
Во однос на името кое го носи, еден скопјанец во Фејсбук групата „Стари скопјани“, појаснува дека го има добиено кога еден српски богат претприемач по име Буњак, кој инаку потекнувал од Призрен, го купил ова место од некој туски бег. Па така, ова скопско маало почнале да го викаат Буњаковец.
Според информациите на скопјани, во дваесетите и триесетите години на минатиот век тука почнале да се градат еднокатни и двокатни куќи со архитектура специфична за тој период, а тоа се всушност градбите на денешната улица Дебарца, а тогаш позната какао „Кнез Михајлова“.
Со годините оваа скопска населба станува една од најатрактивните и каде, по примерот на Буњак, други богати српски претприемачи, почнуваат да инвестираат и градат куќи, раскажува еден скопјанец од овој дел на старо Скопје.
Еве како изгледала оваа скопска населба во минатиот век.
