Порака или повик? Ова одамна веќе се дискутира насекаде. Што е полично? Што е поважно? Во време на постојано пишување пораки и допишувања, реткост е некој да се јави некому само за да го слушне неговиот глас.
Затоа денес ви даваме неколку предности на старото, добро јавување и зошто секогаш ќе има предност пред допишувањето и пораките.
Повикот е СЕГА
Се што се случува, се случува веднаш и има малку време за реакција – затоа момчињата секогаш попрво ќе бираат недиректен начин на комуникација, а мажите ќе се јават и директно ќе разговараат со вас.
Нема лажење и манипулирање
Многу е лесно да се лаже преку пораки. „Не ја видов пораката“ или „Не го разбрав тоа“ се изговори кои едноставно не проаѓаат кај повикот. Повикот е поискрен, а момчињата често преку пораките знаат да бегат од вистината.
Повикот може да е чуден, но е реален
Многу е лесно да ја прочитате пораката, да го смислите одговорот и на тој начин да ја контролирате ситуацијата. Мажот кој се јавува знае дека работите преку повик можат да станат чудни, дури и малку непријатни, но за разлика од момчето и многу му е важно комуникацијата да биде реална, а не манипулирана.
Повикот е романтичен
Иако повикот е малку старомоден начин на комуницирање, особено кога ќе земете предвид какви се апликации постојат, но постои нешто џентлменско во повикот. Куцкањето на телефон е забавно, но повикот си е повик.
