Заев и Бесими ќе претстават новини од Планот за забрзан економски раст

Премиерот Зоран Заев и министерот за финансии Фатмир Бесими  ќе претстават новини од Планот за забрзан економски раст 2022-2026 година на прес-конференција во Владата закажана за денеска во 14 часот.

Согласно Планот, предвидени се нови начини за пристап до капитал за финансирање на забрзувањето на економскиот раст, преку проекти во јавниот и приватниот сектор. Целта е да се зголемат вкупните инвестиции во економијата, стапките на економски раст, како и постепено намалување на фискалниот дефицит, информира владината прес-служба.

На прес-конференцијата ќе присуствуваат и вицепремиерот за економски прашања и координација на економските ресори и инвестиции Фатмир Битиќи, министерот за економија Крешник Бектеши, како и директорите на ТИРЗ, Јован Деспотовски, на ФИТР Коста Петров, на Агенција за странски инвестиции Дејан Павлески и на Развојна банка, Кире Наумов