Во Србија порасна бројот на деца кои се заразени со коронавирус, кои имаат грип или некоја респираторна бактериска инфекција.
Но, она што се зголеми е и бројот на педијатри кои се заразуваат со коронавирус и мора да се изолираат за да оздрават што побрзо и да можат да се вратат на работа. Недостатокот на персонал во детските клиники предизвикува страв од оптоварување на здравствениот систем.
Меѓу децата не се шири само коронавирусот, туку и други инфекции, а има и комбинации на ковид-19 и респираторни заболувања од друг тип. Во амбулантските чекални е преполно, вели докторот Владислав Вукомановиќ, додавајќи дека во српските ковид-одделенија веќе има најмалку 14 деца, од кои едно е бебе и е на интензивна нега.
