Неправилното исфрлање на ѓубрето во главниот град станува сериозен проблем за сите. Секојдневно во групата Ѕид на комуналниот срам се објавуваат фотографии со слична содржина, ѓубре и шут оставени покрај контејнери.
Денеска во близина на Центарот за странски јазици, покрај картонските кутии оставени покрај контејнерите, капакот на едниот од нив е отворен поголем дел од денот.
Со оглед на тоа што времето цел ден е врнежливо, многу е лесно картонот да се распадне поради влагата и нечистотиите да се разнесат на уште поголеми површини. Иако често се повикуваме на комуналните служби во вакви ситуации, не можеме, а да не се запрашаме дали поголем проблем е човековата (не)совесност при исфрлање на отпадот?