Во текот на есенските месеци, нè пречекува симфонија од глетки и мириси.
Photo by Elena Leya on Unsplash
Листовите ја менуваат својата боја во нијанси на килибар, црвено и златно, но надвор од визуелниот сјај, есента е исто така сезона на неодоливи вкусови. Време е да уживаме во топлината на убавите оброци, миризливите зачини и мирисите кои се вкусот на есента.
Сладоста на јаболката
Photo by Sixteen Miles Out on Unsplash
Ова е еден од најубавите вкусови на есента. Јаболката одлично се комбинираат со посипување цимет за лесна ужинка. Можете да ги испечете во рерна, да ги сварите и додадете на некое друго слатко јадење и да уживате како во нивниот вкус, така и во мирисот.
Тиква, кралица на есента
Photo by Gabby Orcutt on Unsplash
Вистинската магија лежи во супите од печена тиква, обилните чорби и, се разбира, класичната пита од тиква. Зачинета со цимет, морско оревче, ѓумбир и каранфилче, тиквата станува ѕвезда на есенските трпези. И не заборавајте семки од тиква - малку солени и печени, тие се и вкусни и здрави.
Топол чај
Photo by Gabby Orcutt on Unsplash
Како што се намалуваат температурите, нашите желби се префрлаат кон топлина и ништо не е попријатно од топол чај. Изберете ги вкусот и мирисот кој ви одговараат, бидејќи чајот е совршен противотров за студените денови. Не постои ништо поубаво од ден поминат под ќебе со топол чај и нашата омилена книга.
Мед
Photo by Arwin Neil Baichoo on Unsplash
Медот е еден од најздравите продукти. Во текот на есенските и зимските денови, тој ни помага да го заштитиме своето тело од настинки и вируси. Можете да го додадете во чајот, да го консумирате со тиква или јаболки, или пак со топла чаша лимон.
Цимет, морско оревче и каранфилче
Без разлика дали се додаваат во печива или десерти, цимет, морско оревче, каранфилче и ѓумбир се дел од вкусната палета на есента. Тие ни ги будат сетилата и не пренесуваат во детските спомени на пријатни ноќи покрај оганот и можеби вкусот на сутлијашот или другите десерти на кои се сеќаваме.
Топло какао
Photo by Erol Ahmed on Unsplash
Ништо не носи поубаво чувство во пријатната есенска вечер како топло какао. Без разлика дали се пие покрај оган или ужива во тивок момент со книга, топлото какао е врвниот пијалок, кој ни носи убаво чувство во периодот на транзиција меѓу летото и зимата.
