Љубовта е најубавата сила на светот, во неа е скриена секоја тајна на човечкото срце, но понекогаш може да биде заслепувачка. Може да ни даде и важни лекции кои ни се неопходни за среќа во животот, но некои од тие лекции можат да бидат тешки и предизвикувачки. Додека не ги научите, тие ќе ви се повторуваат. Еве три лекции кои многумина ги учат предоцна!
Не можете, ниту пак треба, да натерате некој да ве сака
Единствено нешто што може да направите е да љубите, а дали некој ќе ви возврати на љубовта, тоа зависи од другата личност. Колку и да се трудите да сакате некого, тоа не мора да предизвика возвраќање на чувствата. Но, тоа не е крај на светот! Многумина предоцна сфаќаат дека не треба да го жртвуваат своето време, чувства и енергија на луѓе кои не им ја возвраќаат љубовта. Ако некому не се допаѓате, тоа не е ваш проблем, немојте веднаш во себе да барате грешки.
Секоја личност покажува љубов на свој начин, а не онака како што ние очекуваме!
Секој ги изразува чувствата на различен начин. Не можете некому да кажете и да наметнувате како да ве сака, затоа што љубовта е одраз на човековата душа. Научете да ја прифатите љубовта која ви ја даваат во нејзината вистинска суштина. Не очекувајте од некого да ве сака онака како што вие мислите дека треба да ве сака, нека ве сака автентично и од душа. Истото важи и обратно. Вие сакате онака како што вие знаете и така и треба да биде.
Безусловната љубов не треба да биде насочена само кон другите, туку и кон себеси
Не можете да сакате друг, ако не се сакате себеси. Тоа не е егоизам, туку здрава љубов кон себеси. Престанете да си поставувате строги граници и услови. Немојте да се критикувате себеси, да се осудувате и да се обвинувате за секоја работа – имајте разбирање за себеси, бидете си свои најдобри пријатели. Разбудете ја љубовта кон себеси, а тоа ќе се пренесе и на другите и ќе ви помогне да изградите подобри односи со сите останати.
