Тешка сообраќајна незгода се случи вечерва на раскрницата помеѓу булеварите 8-ми септември и Партизански одреди. Во неа учествуваа три автомобили, два со македонски и еден со грчки регистарски таблички.
Сообраќајот во овој дел од булеварот се одвива отежнато по една коловозна лента, а повремено се забележува и подолг застој и чекање.
Во сообраќајката има повредени, а според информации на очевидци интервенирала и итната медицинска помош.
Полицијата во моментов врши увид на местото на несреќата, а засега нема официјални иформации од Министерството за внатрешни работи.
