Вчера попладне, градоначалникот на Општина Гази Баба, Боба Стефковски, одржа средби со граѓани во Месните заедници Јурумлери, Гоце Делчев, Крсте Мисирков, Маџари 2 и Јане Сандански.
На средбите го придружуваше тим од општина Гази Баба. На средбите се отпочна дијалог со граѓаните на општина Гази Баба за изнаоѓање на извори за финансирање на капитални проекти.
-Со жителите од Јурумлери и Гоце Делчев разговаравме за изнаоѓање на извори на финансирање за целосна изградба на фекалната канализација во Јурумлери и Гоце Делчев, а додека со жителите од Крсте Мисирков, Маџари 2 и Јане Сандански разговаравме за изнаоѓање на извори за финансирање за изградба на нова училишна зграда на ООУ Крсте Мисирков во Ченто.Како градоначалник сум превземал обврска пред граѓаните за решавање на децениските проблеми и затоа барам поддршка од граѓаните со цел да ги искористиме сите можности и да реализираме капитални проекти кои ќе ја направат општина Гази Баба поубаво место за живеење. - напиша Стефковски на официјалната Фејсбук страница.
