Лишен од слобода германски државјанин на граничниот премин Табановце, во чие возило била пронајдена марихуана.
Како што информираат од МВР, вчера (19.10.2025) во 12:31 часот на Граничен премин Табановце, на влез во државата, полициски службеници гo лишиле од слобода 70-годишниот Р.Е.Р.Л. од Сојузна Република Германија.
При гранични проверки и контрола во возило „фиат” - кампер со германска национална ознака, кое го управувал, пронајдена и одземена е марихуана.
Лицето било задржано во полициска станица и во координација со јавен обвинител против него ќе биде поднесена соодветна пријава, информираат од МВР.
