Евровизија како да е „непријател“ на поранешните југословенски учесници. Имено, оваа година само Србија се пласираше во финалето, иако учествуваа и Македонија, Словенија, Хрватска и Црна Гора. Босна и Херцеговина одамна не учествуваат на Евросонг.
Во последната деценија Македонија само двапати успева да се пласира во финале, еднаш во 2012 со „Црно и бело“ на Калиопи и после седум години, Тамара со „Proud“.
Инаку, во 2004, 2005, 2006 и 2007, Македонија влезе во финале четири години последователно - Тоше, Мартин Вучиќ, Елена Ристеска и Каролина. „Малерот“ започна со Тамара, Врчак и Адријан Гаџа, а продолжи со Некст Тајм, Даниел Кајмакоски, Тијана, Ѓоко Танески, Влатко Илиевски, Ај Кју и Васил Гарванлиев.
Неспорно е дека многу од овие претставници заминаа со навистина квалитетни песни. Но, сепак, поранешните југословенски републики како да ги „бие малер“, додека пак земјите како Литванија, Полска, Латвија, Естонија, но и скандинавскиот блок, навистина лесно се пласираат во финале.
Дали се работи за лошо менаџирање на настапите или пак, едноставно поранешна Југославија е неатрактивна за европската музичка сцена, никој нема одговор.