Едно мало делфинче денеска се најде на необично место – во реката Алибеј во истанбулскиот кварт Ејупсултан, откако од Халич се движело сè подлабоко во речниот тек.
Граѓани први го забележале и веднаш повикале помош. На местото пристигнал специјалниот тим за подводно пребарување и спасување на Истанбулската пожарникарска служба. Петмина спасувачи работеле околу 40 минути за безбедно да го извлечат младото животно од реката.
Потоа делфинчето било пренесено со чамец до Еминону, од каде што повторно било пуштено во водите на Босфорот – неговото природно морско живеалиште.
Овојпат, едно делфинче повторно стигна до морето.
