На помалку од 20км југозападно од главниот град на Македонија, по долината на реката Треска, се крие таинствен свет со високи карпи, чудесни пештери, разни ендемски видови дневни и ноќни пеперутки, лековити води и растенија за кои постојат верувања дека им помагаат на глувонемите луѓе. Кањонот Матка е гордост на Скопје, но и на цела земја!
Матка е најстарото вештачко езеро во Македонија, кое било создадено со преградување на реката Треска со брана и создавање на вештачка акумулација, која била изградена во 1938 година.
Високо над карпите на Матка, од десната страна на реката Треска, е лоциран манастирот Свети Никола Шишевски или уште познат како Шишевски манастир кој потенува од средновековието.
Теренот е недостапен за моторни возила и планински велосипеди и е единствено достапен пеш од три правци: од мостот на реката Треска во близина на кајакарските терени кај манастирот Света Богородица во Долна Матка (половина час пешачење); од селото Шишево (1 час); како и од врвот на планината Водно (2 часа и 30 минути). Од градот Скопје е оддалечен 18 километри, а од селото Шишево околу 3 километри.
Фотографија токму од ова светилиште со поглед кон кањонот Матка, сподели еден скопјанец во фејсбук групата „Стари скопјани“.
Божја убавина, недпопрена природа, идила - поглед кон Матка од Св. Никола Шишевски!