Скопјанец заработи кривична пријава, не пријавил приход од скоро два милиони денари

Министерството за внатрешни работи информораше дека Единицата за економски и компјутерски криминал поднела кривична пријава против Д.Х.(25) од Скопје поради постоење основи на сомнение дека сторил кривично дело „даночно затајување“.

Според информацијата на Министерството за внатрешни работи, пријавениот, во периодот од 01.01.2019 до 31.12.2019, реализираните приливи на својата трансакциска сметка во банка во Скопје од трансакциски сметки на вкупно 11 правни лица во 60 наврати со вкупен износ од 1.810.604 денари не ги пријавил во поднесената задолжителна Годишна даночна пријава до даночниот орган како друг доход, иако согласно одредбите од член 11 ст.2 од „Законот за данок на личен доход“ бил должен за овој износ да пресмета и плати данок на личен доходи во износ од 15% од вкупниот доход, односно бил должен да пресмета и плати данок на личен доход во износ од 271.591 денари.