Сестра ми и другарите по свет си заминаа и како дел од срце да ми скинаа. Нема песни и гитари, нема седенки во двор, само прашања и еден одговор. Што ќе биде, нека биде, нека е... Дали овој живот ќе нè однесе, секој крпи крај со крај, но немој, не се предавај, Бубамара сите нас нè спојува. Што ќе биде, нека биде, дајте вино и гитари, да се пеат песни стари, ова вечерва не се купува со пари...
Ова беа дел од стиховите на песната „Што ќе биде, нека биде“ што ја отпеа Игор Џамбазов и со која го отвори годинешното 20. јубилејно издание на најпопуларната музичко-сценска манифестација кај нас, „Златна Бубамара на популарноста“, пренесува Телеграф.
Џамбазов со својот настап ги разгоре емоциите во „Метрополис арена“ каде вчеравечер се одржи шоуто. Салата беше полна до последното место, а уште голем број луѓе чекаат на влезот со надеж дека ќе успеат да се протнат и да бидат дел од манифестацијата.
На сцената после Џамбазов се појави Сашко Коцев, кој веднаш ја крена атмосферата и ги натера присутните гласно да да се смеат и да му аплаудираат. Во публиката има безброј познати ликови, кои од кои дотерани. Од јавни обвинителки, до политичари, актери, спортисти, бизнисмени.
