Проверките завршија: Дојавите за бомби во 30 скопски училишта се лажни

Министерството за внатрешни работи ја известува јавноста дека се направени сите потребни проверки во врска со денешните пријави по добиените пораки на електронски адреси со закана за наводно поставена експлозивна направа во 30 училишта во Скопје и утврдено е дека станува збор за лажни пријави.

- Веднаш по добиените пријави, од полициски службеници се преземени соодветни мерки и активности, извршени се потребните проверки од антитерористички тимови и утврдено е дека станува збор за лажни пријави, информираат од МВР.

Дојави за бомби низ училиштата и други објекти во Македонија траат веќе со месеци.