Приведен e напаѓачот на дежурниот лекар на Токсикологија

С.И. (32) е приведен откако вчера попладне го нападнал дежурниот лекар на Клиниката за токсикологија. Министерството за внатрешни работи против него ќе поднесе соодветна пријава.

С.И. вчера на Клиниката за токсикологија бил со неговото малолетно дете и откако дежурниот лекар му рекол дека детето треба да се однесе на педијатрија, таткото го нападнал лекарот кој завршил со расекотини и хематом на главата. Потоа лекарот бил пуштен на домашно лекување.