Миле Димов од Велес имал прекрасен живот со неговата сопруга до пред неколку години кога таа доживеала мозочен удар и останала во постела.
За да ја спаси Миле барал лек и во приватни болници, каде што вели дека само му ги земале парите, а состојбата на сопругата останала иста.
-Земав брзи кредити за да ја носам по приватни болници. Ми ветуваа дека ќе ја излечат, но ништо. Останав само со долгови, а жена ми е во иста состојба, вели Миле.
Миле вели дека бил даден и на извршители, па две третини од платата му ги земаат за долговите, а во моментов живее и во една мала соба која е сопственост на брат му со кого е во лоши односи.
-Не ми е сигурна ни собава во која живееме со сопругата. Не сум во добри односи со родителите и брат ми. Каде да одам со болна жена? Тешко ми е. Пред некој ден сакав да се фрлам во Вардар, но другар ми Тоше ме спаси, раскажува Милен.