Порака на денот: Кога не ни оди во љубовта, можеби е време да се посветиме на други нешта

Во одредени периоди, едноставно не ни оди во љубовта.

Но, што тогаш? Дали треба да се откажеме? Не, туку едноставно некогаш нашето патување не е поврзано со љубовта и треба да го прифатиме тоа.

Можеби во овој момент ви е потребно да бидете сами. Можеби не треба да се борите со сета сила да ја најдете љубовта и наместо тоа, прво да најдете љубов во себе, ЗА СЕБЕ. Можеби е време да бидете сами, но не и осамени и време да се посветите на сето она што ВАМ ви е важно.

Понекогаш, љубовта не доаѓа бидејќи потребно ни е да утврдиме дека треба да смениме нешто кај себеси или пак во начинот како и пристапуваме на љубовта. Тоа не значи дека нешто не е во ред со нас, туку само дека некои начини на размислување и однесување не функционираат и не ни носат ништо добро и треба да и пристапиме на љубовта, така што прво ќе се сакаме себеси и ќе се грижиме за себе. 

Можеби е време прво да бидеме нежни и добри кон себе, пред да решиме тоа да го направиме за друга личност.

Можеби, ова не е време за љубов, туку за надеж. Можеби треба да веруваме во себе, па и во моќта на универзумот да ни го донесе најдоброто за нас, она што вистински го заслужуваме. Можеби е време да си кажеме себеси или да посакаме каква личност посакуваме за себе, што е она што ни треба и да си потврдиме што веќе нема да толерираме во нашиот живот. 

Нашето патување некогаш е за самите нас, а не е секогаш поврзано со друга личност. Да научиме нешто од тоа.