Попладнево гори на девет места во државата

Центарот за управување со кризи (ЦУК) сподели информација за пожари на отворен простор за денеска до 13:00 часот, при што регистрирани се вкупно 13 пожари на отворен простор, од кои девет се активни, три се под контрола, а еден е изгаснат.

Активни пожари – 9:

• Општина Ресен: с. Подмочани, место викано Макази (борова шума и ниска вегетација);
• Општина Сарај: с. Копаница – с. Радуша (нискостеблеста шума и ниска вегетација);
• Општина Зелениково: над с. Палиград (мешана шума);
• Општина Чашка: над с. Нежилово, м.в. Сватови (ниска вегетација и единечни дрва);
• Општина Боговиње: с. Урвич (нискостеблеста вегетација);
• Општина Врапчиште: с. Градец (борова шума);
• Општина Ново Село: помеѓу с. Барбарево и с. Стиник (ниска вегетација и мешана шума);
• Општина Струга: с. Долна Белица (стрниште);
• Општина Кривогаштани: с. Ловени (ниска вегетација).

Пожари под контрола – 3:

• Општините Гостивар и Македонски Брод: кај с. Трново (Општина Гостивар), кон селата Битово, Заград и Страјане (Општина Македонски Брод) (нискостеблеста шума, ниска вегетација, пасишта и папрат);
• Општина Македонски Брод: с. Драгов Дол (ниска вегетација и шума);
• Општина Делчево: градска депонија Острец (депонија).

Изгаснат е пожар во Општина Гази Баба кај клучка Арачиново – Илинден, каде горело ѓубре.