Согласно информации од комплексот клиники “Мајка Тереза” за жал и покрај максималните напори на медицинските тимови, животот го загуби 17 годишниот пациент, со изгореници, тешки телесни повреди.
Пациентот беше примен преку Ургентниот центар, во четвртокот попладне, а третиран мултидисциплинарно од специјалисти од пластична и торакална хирургија во единицата на интензивна нега, а во комуникација со реномирани странски центри од соодветната област, земајќи ги во предвид резултатите од сите испитувања, параметрите и неговата исклучително тешка здравствена состојба.
За потсетување момчето пред неколку дена доживеа струен удар додека беше качено на цистерна вагон во скопска Кисела Вода.
По инцидентот вагонот се запали, а момчето беше пренесено во Ургентниот центар.