Општина Гази Баба ја започна постапката за избор на економски оператор кој ќе ја доврши изградбата на фекалната канализација во населените места Гоце Делчев и Чукур Маало – Трубарево.
Со реализацијата на проектот, сите домаќинства во овие две населени места ќе добијат приклучок на фекална канализација, со што ќе се подобрат условите за живот и ќе се унапреди комуналната инфраструктура, известуваат од локалната самоуправа.
За проектот се обезбедени 512.500 евра преку Европската инвестициона банка и Министерството за животна средина, додека општина Гази Баба ќе учествува со дополнително кофинансирање од 167.000 евра.
Постапката за избор на изведувач ќе трае до 4 август, по што се очекува да започнат градежните работи на терен.
Од општината истакнуваат дека проектот ќе придонесе за почиста животна средина и ќе реши долгогодишен инфраструктурен проблем на жителите од Гоце Делчев и Чукур Маало.
