Поради планирани технички зафати во електродистрибутивната мрежа, утре, 8 јули 2026 година, без електрична енергија ќе останат корисници од повеќе делови на Скопје и скопскиот регион.
Во периодот од 08:30 до 15:00 часот, без струја ќе бидат дел од корисниците од улица „8“ во село Горно Соње, во местото викано Коштан.
Од 09:00 до 11:00 часот прекин е најавен за дел од корисниците од улица „Македонска косовска бригада“ во Шуто Оризари, кај сервисот „Бутел“.
Во општина Сопиште, од 09:00 до 12:00 часот без електрична енергија ќе останат дел од корисниците од улица „4“ во село Сопиште, во местото викано Ветрила.
Во Лисиче, од 09:00 до 14:00 часот прекин ќе има на дел од улица „Тодор Чангов“, како и кај број 21 на истата улица.
Во општина Карпош, во истиот период, од 09:00 до 14:00 часот, без струја ќе останат дел од корисниците од улиците „Хашка“, „Будимпештанска“ и „Душко Бојковски“.
Во општина Ѓорче Петров, од 09:30 до 14:30 часот прекин во снабдувањето со електрична енергија ќе има на дел од улиците „Црногорска“, „Александар Македонски“, „Борис Сарафов“ и „Смилевска“, како и кај месната заедница и бензинската пумпа.
Дополнително, во Волково, од 12:00 до 14:00 часот без струја ќе останат дел од корисниците од улица „95“ и околните улички.
Снабдувањето со електрична енергија се очекува да биде нормализирано по завршување на најавените интервенции.
