Четири скопски јавни претпријатија добија нови директори поставени од градоначалничката на Град Скопје, Данела Арсовска.
Јане Мицевски е нов директор на јавното комунално претпријатие – депонијата „Дрисла“, а доаѓа на местото на Коста Начевски, којшто беше назначен од Петре Шилегов, екс-градоначалникот на Град Скопје.
И скопската Зоолошка градина доби нов директор. Од вчера функцијата в.д. директор на Зоолошката градина во Скопје ја врши Кристијан Стаменов, а Тина Мицковска е негова заменичка. Назначен е откако претходниот директор Ѓорги Галетановски си поднесе оставка од оваа функција.
Иван Илиевски е нов в.д. директор на Јавното сообраќајно претпријатие Скопје (ЈСП), на местото на досегашниот директор Кристијан Чушков кој е разрешен од функцијата.
Борис Настов е назначен за нов в.д. директор на ЈП „Улици и патишта“ Скопје откако претходно од директорската позиција беше разрешен Горан Симоновски.
И ЈП „Лајка“ има нов директор веќе десетина дена. На местото на Тина Петрушевска за в.д. директор е поставен Воислав Димитровски.
