Градоначалничката на Град Скопје, Данела Арсовска, заедно со градоначалникот на општина Сарај, Блерим Беџети, вчера го посетија паркот во Сарај каде се отпочнува со активности за реконструкцијата на спортските терени.
-Овој проект се реализира на барање на граѓаните, со што се овозможува на сите посетители на паркот во Сарај да можат да се рекреираат на целосно реконструирани спортски игралишта - истакна Арсовска.
Инаку, во паркот во Сарај се реконструираат шест спортски игралишта и тоа три фудбалски, две за кошарка и едно тениско игралиште, со вкупна површина од 4.000 квадратни метри, информираа од Град Скопје.
