Во колковите чуваме повеќе отколку што мислиме.
Photo by Vitaly Gariev on Unsplash
За многу жени, тој дел од телото станува место каде што се складира стресот, тагата, стравот, дури и некои сеќавања што не сме ги изговориле. Кога велиме „се чувствувам заглавено“, тоа не е само метафора. Колковите се стегнати, грбот напнат, а телото зборува со свој јазик.
Колковите како емоционален центар
Колковите се премин меѓу горниот и долниот дел на телото — меѓу акцијата и смиреноста, меѓу она што го носиме и она што го пуштаме. Во нив се наоѓа псоасот, длабок мускул кој ја поврзува кичмата со нозете и е директно поврзан со нервниот систем и реакцијата на стрес. Кога сме во постојана состојба на напнатост, кога брзаме, се грижиме, контролираме, псоасот никогаш не се релаксира целосно. Тој буквално „ја држи“ нашата вознемиреност.
Во јогаta и соматиката се вели дека колковите се „седиште на потиснати емоции“. И навистина, кога ќе почнеме да ги отвораме, често се појавуваат солзи, таги, па дури и спомени.
Зошто е важно да ги опуштиме колковите пред спиење?
Кога телото е напнато, мозокот не може да премине во состојба на одмор. Хронично затегнатите колкови испраќаат сигнал до нервниот систем дека сме во опасност, дури и кога сме во кревет. Резултатот е немир, несоница, или чувство дека не можеме „да се исклучиме“. Со неколку минути посветени на опуштање на овој дел од телото, му помагаме на мозокот да влезе во состојба на безбедност. Тоа не е само физичко растегнување, тоа е и ритуал на враќање во себе.
Нежни вежби што можеш да ги направиме пред спиење
Пеперутка (Baddha Konasana)
Седи на подот, со стапалата споени едно до друго и колената нежно отворени настрана. Не ги туркај — само дозволи им тежината да ги спушти природно. Диши длабоко во стомакот, чувствувајќи како секој издишување го омекнува пределот на колковите. Остани така 1–2 минути.
Длабоко истегнување
Легни на грб, постави ја десната нога преку левата, така што десниот глужд ќе се потпре на левото колено. Нежно повлечи ја левата нога кон градите. Ќе почувствуваш длабоко растегнување во десниот колк. Диши полека, најмалку 6 длабоки вдишувања. Потоа смени страна.
Колена на градите
Легни на грб и ги прегрни колената кон градите. Замисли дека се гушкаш себеси. Оваа вежба го смирува долниот дел на грбот и нервниот систем. Диши со полни, бавни издишувања.
„Пелвик рол“ – нежни движења на карлицата
Легни на грб со свиткани колена и стапала на подот. Со вдишување, благо навали ја карлицата наназад (како да ја прилепуваш кичмата на подот), а со издишување, врати ја во неутрална положба. Повтори 10 пати, без брзање.
Поза на дете
Седи на колена, спушти се напред и потпреј ја главата на перница или ќебе. Диши во долниот дел од стомакот и замисли како секое издишување „го топи“ товарот од денот.
Мал вечерен ритуал за смирување на колковите и умот
Исклучи ги светлата и пушти блага, тивка музика.
Масирај го пределот на колковите и долниот дел на грбот со неколку капки маслиново или кокосово масло.
Постави рака на долниот дел од стомакот и изговори тивко: „Безбедна сум. Може да се опуштам.“
Диши полека, само преку носот, со издишувања подолги од вдишувањата.
