Општина Карпош и компанијата Avant Car потпишаа Меморандум за соработка за реализација на проектот „Car Sharing“, со кој се воведува систем за користење и дистрибуција на електрични автомобили.
Како дел од соработката, Avant Car дава на користење електрично возило за потребите на Општина Карпош.
Во рамки на проектот, Општина Карпош ќе ги разгледа можностите за обезбедување соодветни локации за паркирање и поставување електрични полначи, со цел понатамошен развој на одржлива урбана мобилност.
„Со ова партнерство заеднички придонесуваме за почист амбиентален воздух, намалување на сообраќајниот метеж и поттикнување на еколошки и современи начини на транспорт“, порачаа од Општина Карпош.
