Граѓаните алармираат за нова дупка на коловозот кај маркетот „Зур“, на улицата „Владимир Полежиновски“ (поранешна „Иван Милутиновиќ“) во скопски Центар.
Тие прашуваат дали надлежните служби од општина Центар и општинскиот инспекторат вршат контрола врз движењето на тешката градежна механизација, за која сметаат дека придонесува за оштетување на коловозите и тротоарите.
Воедно, центарци бараат одговор дали инвеститорите кои користат тешка механизација сносат одговорност за евентуалната штета што ја предизвикуваат врз јавната инфраструктура и кој ќе ја надомести штетата доколку поради ваквите оштетувања бидат оштетени возила или дојде до сообраќајна незгода.
Жителите апелираат до надлежните што поскоро да извршат увид на терен и да го санираат оштетувањето, со цел да се спречат поголеми последици и да се обезбеди безбедно одвивање на сообраќајот.
