Нов бран на корона вирусот – над 16% од тестираните во државните лаборатории позитивни на КОВИД-19

Нов раст на бројот на случаи позитивни на КОВИД19. По подолг период, повторно над 10% од тестираните биле позитивни на вирусот. Во текот на вчерашниот ден, од 1674 спроведени тестирања, 186 пациенти биле позитивни на КОВИД19 што е над 11%.

Од овие тестови, нешто помалку од половина или 811 се спроведени во државните лаборатории и тие покажале дури 130 позитивни резултати. Останатите 56 позитивни случаи се детектирани преку тестирање во приватни лаборатории, каде што во голем дел одат и граѓаните кои се тестираат поради патување. Па така, во државните лаборатории над 16% од тестираните се позитивни додека во приватните нешто над 6,5%.

Само вчера починаа 7 пациенти од кои најмладиот имал само 43 години.

По градови, очекувано најмногу активни има во Скопје, по што следи Куманово и Тетово.