Бабички, најмили наши бабички. Најдраги и незаменливи. Што би правеле без вас?
Па ние би биле изгубени.
Поголемиот дел од нас се растени со бабите. Тие нè учеа да читаме и да броиме, со часови шетаа со нас низ парковите и пазарите, бабите ни приготвуваа највкусни јадења и ни даваа најубави спомени.
Потоа целиот живот ги бараме тие вкусови и мириси кои бабите ни ги подариле во детството. И не ги наоѓаме. И никогаш нема да ги најдеме.
Сакани наши бабички. Незаменливи.
Каков благослов е тоа што бевте и сè уште сте со нас.
Бесмртни наши бабички...