Во зимските месеци телото работи под поинакви услови.
Photo by engin akyurt on Unsplash
Има помалку сонце, повеќе студ, помалку движење и почести настинки. Затоа е важно да му дадеме поддршка преку исхраната, особено со витамини кои помагаат да се одржи имунитетот, енергијата и општата рамнотежа.
Витамин Д
Photo by Mustafa Bashari on Unsplash
Витаминот Д е еден од најважните витамини во зима, бидејќи сончевата светлина е ограничена. Тој игра голема улога во имунитетот, расположението и здравјето на коските. Недостатокот може да се поврзе со замор, почести инфекции и пад на енергијата. Во зима, витаминот Д најчесто се внесува преку масна риба, јајца и збогатени намирници, а многу луѓе се одлучуваат и за додатоци по препорака.
Витамин Ц
Photo by Cristina Anne Costello on Unsplash
Витаминот Ц е класична поддршка во зимскиот период. Тој помага во зајакнување на одбранбениот систем и во побрзо закрепнување од настинки. Најдобро е да се внесува редовно, а не само кога ќе се појават симптоми. Го има во цитрусно овошје, киви, пиперки, кисела зелка и брокула.
Витамини Б
Photo by an_vision on Unsplash
Овие витамини се важни за енергијата, концентрацијата и нервите. Во зима, кога сме поуморни и помалку активни, Б-витамините помагаат телото подобро да се справи со секојдневниот напор. Ги има во интегрални житарки, мешунки, јајца, млечни производи и јаткасти плодови.
Витамин А
Photo by Harshal S. Hirve on Unsplash
Витаминот А придонесува за здравa слузницa и добра отпорност на инфекции, што е особено важно во сезоната на вируси. Тој исто така е важен за видот и кожата, која во зима често станува сува. Се наоѓа во моркови, тиква, спанаќ, јајца и млечни производи.
Витамин Е
Photo by Maksim Shutov on Unsplash
Витаминот Е е познат по својата улога во заштита на клетките и здравјето на кожата. Во зима, кога кожата е изложена на студ и сув воздух, овој витамин помага во одржување на нејзината еластичност. Го има во јаткасти плодови, семки и растителни масла.
Зимата не бара совршена исхрана, туку постојана грижа. Важни се редовните оброци, разновидна храна и внимание кон сигналите на телото се најдобрата основа. Кога телото има што му треба, полесно се справува и со студот и со заморот што оваа сезона често го носи.
