МВР: Сите дојави за бомби низ Скопје се лажни

Министерството за внатрешни работи изврши проверки на сите места каде што пристигнаа дојави за поставени експлозивни направи и притоа утврди дека истите се лажни.

-Ја известуваме јавноста дека се направени сите потребни проверки во врска со денешните пријави од училишта и други објекти во Скопје, кои добиле порака на електронската адреса со закана за поставена експлозивна направа, и утврдено е дека станува збор за лажни пријави, информираат од МВР.

МВР извести дека веднаш по добиените пријави излегле на терен, при што од полициските службеници биле преземени мерки за безбедно евакуирање на објектите, а потоа се извршени и детални проверки од тимови за антитерористички проверки.