На социјалните мрежи неретко може да се најдат објави каде чесни луѓе кои ќе удрат или изгребат туѓ автомобил на паркинг оставаат контакт за да ја поправат штета. Но, ова можеби е прв таков случај во Македонија.
На твитер е објавена фотографија од ливче на кое е оставен телефонски број откако бил изгребан автомобил на паркинг.
-Извинете ние ви ја изгребавме колата. Брат ми е почетен возач. Ве молам за разбирање. Ако има потреба за некаков надомест еве контакт број, е напишано на ливчето.
Дури и корисникот на Твитер чија кола била „жртва“ е изненаден од целата ситуација.
-Денеска на паркинг ми ја изгребаа колата. Пријатно се изненадов кога го најдов ливчето. Се уште има поштени луѓе. П.С. Се слушнав со дечкото. Нема штета голема. Така да... Се е ОК, ќе части кафе некогаш, се вели во објавата.
Ова наиде на позитивни коментари на социјалната мрежа.
