Мобилизиран медицинскиот персонал: 29 повредени од сообраќајката кај Гевгелија се транспортираат во Скопје

Медицинскиот персонал во градската хирушка болница „Св. Наум Охридски“ и општата болница „8-ми септевмри“ вечерва е целосно мобилизиран. Раководствата на двете болници добиле најава дека се очекува кај нив да бидат транспортирани повредените од сообраќајната незгода која вечерва се случи на патниот правец Удово – Гевгелија.

Скопје Инфо, пред малку објави дека сообраќајка се случила вечерва на патот Удово-Гевгелија, според првичните информации на МИА, повредени се 29 лица - сите мигранти. 

Неофицијално, повредените со санитетски возила се на пат до здравствените установи во Скопје каде ќе им биде пружена понатамошна здравствена нега.