Во текот на зимата празот го јадеме со месо, во најразлични специјалитети, во колбаси, па дури и во домашни пити.
Овој рецепт ќе ви докаже дека може да биде превкусен и како крем супа:
Потребни состојки:
- 2 страка праз (250 гр.)
- маслиново масло
- 1 чешне лук
- 1 прстофат ким
- 2 компири (околу 300 гр.)
- 500-550 мл. вода
- 1/2 пилешка коцка за супа
- малку мускатно оревче
- 1 лажичка путер
- сол, бибер
- магдонос
- павлака за готвење
Подготовка:
Исечкајте го празот на тенки парчиња, па пропржете го 15-тина минути на маслиново масло, на тивок оган. Додајте сол.
Во тавата додајте го исечканиот лук и кимот, па се пропржете уште 1 минута.
Потоа, додајте го компирот исечкан на коцки, па и него издинстајте го неколку минути.
Ставете ја водата, додајте ја коцката за супа, сол и малку мускатно оревче.
Поклопете и варете половина час на тивок оган или додека компирот не омекне.
Измиксирајте ја супата со рачен миксер, додајте го путерот, биберот, магдоносот и малку павлака за готвење.
Оставете да зоврие, а потоа тргнете од оган и послужете додека е топло.
