Градоначалникот на Општина Бутел преку објава на социјалните мрежи информираше дека од раните утрински часови оштинскиот кризен штаб е на терен и ја следи ситуацијата со снежните врнежи.
„ Службите се на терен и се чистат наносите на снег. Исчистени се сите повисоки места и критичните точки во Општина Бутел, село Љубанци и село Љуботен. Во текот на денот дежурни екипи од општинскиот кризен штаб и комуналното одделение заедно со потребната механизација ќе бидат поставени на најкритичните места доколу дојде до поголеми наноси на снег.
Апелираме до возачите да внимаваат и да ја прилагодат брзината согласно условите на патот Кризниот штаб навремено ја следи целата ситуација“, напиша Костовски.
