Градоначалникот на Бутел, Дарко Костовски распали по градоначалничката Арсовска и ЈП Улица и патишта откако вчера автомобил пропадна на улица “Радишанска”, во населбата Радишани.
„До каде ќе оди лудилото, потребна ли е жртва !?
Со месеци се алармира до Град Скопје, Данела и ЈП Улици и патишта да закрпат една дупка на улица “Радишанска” улица која што е надлежност на градот. Ни трага ни глас, како и за се останато.
Јавно посочувам дека со лични средства ќе ја поправам оваа дупка, ако Град Скопје бара кој ивестирал во нивна надлежност без нивно одобрение да знаат кого да бараат.
Срамота од невидени размери !“, напиша Костовски.
