Хуманитарниот концерт на PWB ‘’Детска Насмевка за Овој Свет” денеска ќе биде премиерно емитуван на МРТВ1 со почеток во 17:45 часот.
Концертот се одржа на 29ти јуни за да ја прославиме музиката и делото на нашиот ангел Тоше Проески и да го почитуваме неговото наследство.
Задоволство ни е што секој ќе може да ужива во магијата создадена таа вечер во Спомен куќата на Тодор Проески, велат организаторите.
Организатор на концерот е хуманитарната непрофитна организација „Play Without Boundaires“ („Игра Без Граници“), регистрирана во Австралија во 2015 година во чест на Тоше Проески, и со поддршка на Спомен куќата.
– Дваесет и деветти јуни е ден кој е особено значаен за Тоше, посебен ден во неговата кариера, ден на кој е оддржан неговиот прв концерт на градски стадион, кој сега е именуван по неговото име. За интерпретација на безвременските хитови на Тоше, задолжени се нашите звезди Никола Зацески, Денис Димоски, Марија Груевска и Елена Петреска, поддржани со музичките групи „Инвиктус“ и „Мелем“. Собраните средства ќе бидат искористени за набавка на неопходна медицинска опрема за тестирање на слух кај новороденчиња, информираат организаторите.
