Сè помалку разбирање, а сè повеќе критики...
Станавме општество на критичари, а културата на „плукање“ се шири побрзо од светлината. Еден статус кој стана многу популарен на социјалните мрежи, зборува за критиките на сметка на новите мајки, а вреди да се прочита за да се сфати со какви коментари мораат да се соочуваат мајките, особено мајките кои штотуку родиле и се трудат да се прилагодат на новите околности.
Една мајка вели: „Се наслушав многу работи. И сфатив дека не смееш никому да се пожалиш, дури ни дека си уморна.“
Еве што вели оваа порака:
„Откако го родив детето сфатив дека во очите на луѓето, мајката не може...
... да се жали: „Кој те терал да раѓаш деца?“
... да плаче: „Зошто плачеш? Дали мислеше дека е лесно да бидеш мајка?“
... да биде уморна: „Уморна? Од што? Па ти ништо не правиш?“
... да спие: „Навистина си мрзлива!“
... да се одмара: „Ќе одмориш кога детето ќе порасне!“
... да остане повторно трудна: „Дали си луда? Колку уште деца планираш?“
... да остане дома: „Кој ќе го издржува детето?“
... да се врати на работа: „Кој ќе го чува детето?“
... да го остави детето во градинка: „Друг да ти го чува детето?!“
... да биде домаќинка: „Кутриот маж, тој само работи, а таа дома ужива!“
... повторно да се омажи: „А кој сака жена со дете!“
... да излезе некаде: „Ги оставаш децата кај мајка ти, а ти одиш да се забавуваш?“
Најтешко е што 90% од овие фрази ги кажуваат други жени! Затоа е важно да се поддржуваме едни со други, но и да ги учиме децата на љубов, толеранција и разбирање за туѓите грижи и тешкотии.“
