Сите знаеме дека за да ослабеме треба да јадеме помалку отколку што согоруваме во текот на денот, или пак да согориме повеќе калории отколку што внесуваме.
Во зависност од типот на личноста која сте, броењето калории може да звучи напорно, но факт е дека повеќето од нас ќе ослабат со дневна исхрана од 1.500 калории. Се разбира, зборуваме за губење на здрави 1 до 2 килограми неделно.
Но, како изгледаат 1.500 калории?
Во насока на оброци, тоа би изгледало вака:
Појадок: Започнете го вашиот ден со 300 до 350 калории. На пример, појадокот да содржи 1 чаша овесна каша прелиена со ¼ шолја обичен јогурт без маснотии и ½ чаша бобинки, плус 12 мл.кафе.
Ужинка: Ужинките за целиот ден треба да содржат помеѓу 250 и 375 калории, во зависност од тоа колку јадете во вашите оброци. Може да имате една ужинка наутро и една попладне. Утринската ужина би можела да биде 1 шолја „бејби“ моркови со ¼ шолја хумус , што има вкупно 157 калории. Во попладневните часови, ужината може да вклучува мало јаболко, 12 бадеми и ледена вода со лимона, а тоа е еднакво на 170 калории.
Ручек: Целта на ручекот да биде од 325 до 400 калории. Предлог за ручек во таа смисла, би било едно парче интегрален леб, препечен со неколку коцки чедар кашкавал и 2 парчиња домат, плус 1½ шолја супа. Или пак, може да консумирате сендвич со туна (2 парчиња интегрален леб, ½ шолја салата од туна направена со 2 лажички мајонез со малку маснотии, зелена салата, домат) плус праска - вкупно 327 калории.
Вечера: Завршете го денот со околу 500 калории. На пример, парче месо (се препорачува телешко или риба) со брокула или друг вид зеленчук, а за десерт можете да консумирате малечко парче тирамису, па да се соберат вкупно 480 внесени калории.
Ако сакате да уживате во чаша вино со вечерата, размислете да го отфрлите десертот, бидејќи 5 мл. чаша вино содржи околу 120 калории.
