Самодовербата е темел на многу работи во животот. Секогаш треба да знаеме дека ако не веруваме во себе, никој нема да верува во нас.
Секој од нас барем еднаш во животот се нашол во ситуација да не е сигурен во себе. Се потиме, ни се потат дланките, ни трепери гласот, можеби тремата не парализирала потполно, а можеби сме мислеле дека нешто не е во ред со нас. Сите го знаеме тоа чувство, но секогаш постојат начини како да го надминеме.
Сетете се кога бевте деца
Кога бевме деца, мислевме дека можеме да го освоиме целиот свет. Но, некаде меѓу детството, тинејџерските години и растењето, ентузијазмот нè напушта и почнуваме да се сомневаме во себе. Ја впиваме енергијата од другите луѓе и дозволуваме нивните ограничувања да станат и наши.
Но, за да си помогнеме, треба само да се сетиме на слободата на умот која ја имавме додека бевме деца. Како лесно чекоревме, како се осмелувавме на големи нешта и бевме свои.
Никогаш не преувеличувајте
Не дозволувајте вашите спомени за нешто да се измешаат со вистинските факти. Ако некогаш сте доживеале пораз, не го преувеличувајте и не правете го тоа од огромни размери. Да, умот има огромна моќ да направи да верувате во тоа, но пробајте вие да го победите него. Не дозволувајте тоа да ви влијае на самодовербата до степен да се плашите да направите нешто и да изберете да седите во место, наместо да смените нешто.
Разговарајте со себе
Не мора да биде на глас, но функционира. Тоа може да ви помогне да утврдите каде лежат вашите ставови и да ви помогне да се соочите со проблемите кои ги имате. Важно е да бидете позитивни и да не бидете претерано критични кон себе. Гледајте ги проблемите како предизвици, а не како нешто што не може да се реши. Набљудувајте се себеси во различни ситуации и гледајте како ќе реагирате. Така ќе научите многу за себе и за тоа што треба да го промените.
Соочете се со своите стравови
Стравот од пораз е рационален и тој постои кај сите, но не дозволувајте да направи да тапкате во место, дури и на места каде не сте среќни. Верувајте во себе, бидејќи ако вие самите не верувате во себе, кој би верувал. Кој би им верувал на вашите зборови, ако и самите не делувате уверливо. Размислете што е најлошото што може да се случи ако се обидете да направите нешто а потоа не успеете. Фокусирајте се на тоа што сакате да го постигнете, а не на тоа што би можело да се случи.
