Во последните години, сè повеќе се зборува за здравјето на цревата, пробиотиците и ферментираната храна.
Photo by an_vision on Unsplash
Два производи кои најчесто се споменуваат се кефирот и јогуртот. И двата се млечни производи, и двата се добри за варењето, но не се исти. Прашањето не е само кој е поздрав, туку и за што точно е подобар секој од нив.
Јогуртот е веројатно најпознатиот ферментиран млечен производ кај нас. Се добива со ферментација на млекото со неколку видови бактерии, најчесто Lactobacillus и Streptococcus. Тој е добар извор на протеини, калциум и пробиотици кои помагаат за дигестијата и за баланс на цревната микрофлора. Јогуртот е полесен по вкус, погуст и за многу луѓе полесен за секојдневна консумација.
Кефирот, од друга страна, е малку поразличен. Тој се ферментира со таканаречени кефирни зрна, кои содржат многу повеќе видови бактерии и квасци. Поради тоа, кефирот има поголема разновидност на пробиотици од јогуртот. Често се вели дека кефирот е „посилен“ за цревата, за имунитетот и за луѓе кои имаат проблеми со варењето или надуеност. Исто така, многу луѓе кои имаат блага нетолеранција на лактоза полесно го поднесуваат кефирот отколку млекото или јогуртот.
Ако ги споредиме, јогуртот е одличен за протеини, коски и секојдневна исхрана, додека кефирот е подобар кога сакаме да ја подобриме цревната флора, имунитетот и варењето. Кефирот има и малку покисел и поосвежителен вкус, додека јогуртот е понежен и покремаст.
На крајот, одговорот не е дека едниот е добар, а другиот лош. Најдобро е да се користат и двата. Јогурт за појадок или со оброк, а кефир неколку пати неделно за дигестија и имунитет. Нашето тело најмногу сака разновидност, а ферментираната храна е една од најдобрите работи што можеме да ги направиме за нашето здравје.
