Иницијативата „Во одбрана на Дебар Маало“ која последниот период се појави на социјалните мрежи, реагираше на наводната изградбна на катна гаража среде Градскиот парк. Катната гаража е предвидена да се гради на местото на фудбалските терени на АРМ, односно веднаш до спортксата сала „Градски Парк“. Објектот би бил со висина од 29 метри, што кореспондира со 9 ката.
Од иницијативата, аргументираат дека безбедноста на минувачите ќе се намали, а загадувањето ќе се зголеми. Ќе допринела за уништување на природниот амбиент кој го има во паркот, а немала практична намена за граѓаните.
„Безбедноста на пешаците, особено на децата ќе се наруши, загадувањето ќе се зголеми, а и една гаража не може да го опслужи градскиот стадион за време на натпревар, улицата за пристап е тесна и нема толкав капацитет за проток на автомобили... Од претходните реакции, нашата заложба нека биде поттик за Градоначалникот Андреј Жерновски и општината заедно да се спротиставиме на изградба изграба на катната гаража! Да застанеме во одбрана на Градскиот парк и на зеленилото низ цело Скопје“-се вели во објавата на нивниот фејсбук профил.
