Непрописно паркирање на возила на зелена површина, депонии, уништување на јавни добра... сите овие локални проблеми карпошани може да ги пријават преку Интернет до локалната самоуправа.
Преку дигиталната платформа мЗаедница на општина Карпош граѓаните можат да пријавуваат проблеми и потреби од локален карактер. Платформата овозможува директен и брз контакт со кој се зголемува комуникацијата и довербата на граѓаните со администрацијата, велат од локалната самоуправа.
- Со мобилната апликација можете да пријавите проблем, да споделите фотографии и да ја следите реакцијата од надлежните служби. Преземете ја апликацијата мЗаедница на Google Play и приклучете се кон дигиталната револуција во Карпош, велат од општината.
