Во моментов во Општина Карпош се врши поставување на атмосферска канализација на улиците „Рампо Левката“ и „Ристо Равановски“ во урбаната заедница Владо Тасевски. Потоа ќе следува реконструкција на коловозот и замена на асфалтот.
Веќе за еден месец се очекува финиширање на градежните работи, а општината за овој проект издвои околу 5 милиони денари од општинската каса. Во 2011 изведена беше атмосферска канализација на улицата „Дрезденска“ која е главна во овој дел од општината, па така, сегашните реконструкции на канализацијата се поврзуваат со истата. Со ова решение за атмосферската канализација, ќе бидат решени сите проблеми на граѓаните, по тоа прашање. Во иднина нема да се случуваат поплави при поројни дождови.
