Во сезоната на подготовка на зимници граѓаните најмногу се жалат на цената на карфиолот. Овој зеленчук, стандардно секоја сезона, се продава по цена од 180 - 250 денари по килограм.
Дел од потрошувачите споделуваат дека ќе чекаат цената да падне, па дури потоа ќе купат поголема колична за туршија.
И другите есенски продови држат цена.
Најевтини се јаболката кои низ пазарите и маркетите може да ги најдете по цена од 30 до 50 денари, зависно од сортата. Јапонските јаболка се нешто поскапи.
Едно мало парче тиква за печење се движи околу 50 - 80 денари.
Калинките се околу 80 денари, исто толку чинат и мандарините.
Периодов на пазарите достапни се и малите краставички корнишони чија цена е од 30 до 60 денари, зависно од квалитетот.
Купувачите се жалат на цените, но и на лошиот квалитет.
- Не е проблем да купам сезонско овошје, меѓутоа често се случува она кое е убаво на лик, перфектно, дома да нема никаков вкус. Сепак, сметам дека домашните производи се повкусни, дома одгледаните или оние од познат земјоделец, споделува скопјанка.
