ЈСП со дневен билет - еве ги деталите за користење

ЈСП Скопје со нова поволност за корисниците на јавниот превоз. Од вчера во промет пуштен дневен билет со кој граѓаните ќе може да се возат неограничено во текот на денот на сите линии. 

-Од вчера во билетарниците и центрите за персонализација на ЈСП Скопје пуштен е во продажба дневен билет кој чини 120 ден и важи за повеќекратно користење на сите линии во текот на еден ден. Новиот тип на билет важи од 05 до 24 часот, со можност за неограничен број возења, односно преседнувања на сите линии (градски и приградски). Патникот има обврска да го валидира билетот на постоечките валидатори во секое возило во кое ќе преседнува. Билетот се воведува со цел да се овозможи подостапно и полесно користењето на јавниот превоз на оние патници кои имаат потреба од повеќекратно користење на јавен превоз во текот на еден ден, а не поседуваат електронска картичка „Скопска“ (туристи, граѓани од внатрешноста, граѓани кои инцидентно имаат потреба од јавен превоз и слично), појаснува за „Утрински брифинг“ портпаролот на ЈСП Скопје Деспина Трајковска Димова.