За разлика од претходните године, кога периодов веќе се тражеше место повеќе за патување надвор од границите, оваа година агенциите се со скромни и сиромашни понуди.
Од туристичките агенции, овој пат нудат патување само за Турција - Истанбул, Кушадаси, Кападокија, Анталија. Цените почнуваат од 200 евра за Истанбул со автобуски превоз, па се до 400 евра во Кападокија со авион.
И покрај услови на пандемија, некои сепак се одлучуваат Нова година да ја поминат во странство.
Од туристичките агенции велат дека побарувачката е многу мала, но сепак може да се најде по некој заинтересиран.
- Многу е лоша оваа година. Ние туристичките работници сме мртви, помош немаме речиси никаква. За Нова година има по нешто, но и тоа е минимално. Имаме само понуда за Турција. Нема споредба со претходните години. Се надеваме дека оваа година ќе биде само добро минато, а наредната дека ќе биде поуспешна и да надополниме и за оваа, велат од скопска туристичка агенција.